Fréttir

Vegna aðstæðna á Fimmvörðuhálsi verður ekki af áður auglýstri Fimmvörðuhálsgöngu FFRANG þann 26. september n.k. Þess er í stað verður boðið upp á haustlitaferð í Þórsmörk þann sama dag. Fyrirkomulag göngunnar verður þannig að farið verður á einkabílum frá N1 á Hvolsvelli kl. 08.00 þann 26. september. Athugið að nauðsynlegt er að vera á jeppum. Ekið verður í Bása í Þórsmörk og þaðan gengið yfir göngubrúna yfir Krossá, fyrst gengið meðfram Krossá og svo upp á topp Rjúpnafells (824 m.y.s.) og svo sömu leið til baka. Lengd göngunnar eru um 7 km. hvor leið, þ.e. 14 km. samtals. Heildarhækkun er um 600 m. Skráning í ferðina er á FFRANG@FFRANG.is Fararstjóri: Helgi Jóhannesson

Dagskrá ferðafélagsins er með hefðbundnu sniði, miðvikudagsgöngur eru á sínum stað sem og laugardagsgöngur, ein hjólaferð er svo síðsumars. Miðvikudagsgöngur eru almennt styttri göngur og eru við hæfi flestra. Laugardagsgöngur eru þá almennt lengri.

Ákveðið hefur verið að fresta Drangshlíðarfjalls göngunni um óákveðin tíma vegna veðurs. Endilega fylgist með á facebook síðu félagsins, gæti orðið stuttur fyrirvari, við ætlum að reyna að ganga þegar spáin gefur okkur von um útsýni 😊

Boðað er til aðalfundar Ferðafélags Rangæinga í Félagsheimilinu Hvoli á Hvolsvelli, þriðjudaginn 4. mars kl. 18.00. Hefðbundin aðalfundarstörf. Ferðadagskrá 2025 verður kynnt og sagt frá starfi félagsins. Félagsmenn hvattir til að mæta og gestir velkomnir - kaffi og kleinur og góður félagsskapur.

Hér má skoða ferðirnar okkar nánar með því að fletta í gegnum Ferðadagatal FFRang 2025

Nú er dagskráin fyrir 2025 komin! hún er mjög fjölbreytt og spennandi endilega kíkið á við tækifæri og sjáið hvort ekki er eitthvað sem heillar ykkur. Góða skemmtun :)

Þá er að hefjast fjórða starfsár FFRang og það er óhætt að segja að nýja Ferðadagskráin fyrir 2025 sé glæsileg. Ferðanefndin er að standa sig geysilega vel eins og áður og þar með hafa verið skipulagðar 80 ferðir á vegum FFRang þessi fyrstu fjögur árin! Skemmtilegar myndir eru til úr mörgum ferðanna og hvetjum við ykkur til að kíkja í myndabankann á heimasíðunni sem geymir mikið af því sem á dagana hefur drifið. Við höldum áfram að ganga, hjóla og hlaupa með FFRang okkur Rangæingum og vinum okkar til heilsubótar á sál og líkama.

Vegna sérstakra aðstæðna hjá göngustjórum okkar verður skipt á dagsetningum og gengið í Þykkvabæ 4. september og Keldur-Tungufoss þann 2. október

Nú þegar ferðafélagið okkar fer að vakna á ný úr miðsumardvalanum þá er rétt að benda á að Árbókin 2024 er tilbúin til afhendingar til félagsmanna.

Ólöf Kristín Sívertsen forseti Ferðafélags Íslands var heiðursgestur á aðalfundi FFRang 2024 þann 25. júní.